10ª Olimpíada Solidaria de Estudo

A videira semana comezará a  X Olimpíada Solidaria de Estudo e dende a Biblioteca da USC queremos animarvos a participar. Como proxecto solidario e de sensibilización social diríxese á comunidade estudantil internacional.

Este ano vaise celebrar entre os días 5 de novembro e 5 de decembro, participando xoves de todo o mundo.

Baixo o lema: Ponte un 10, a Olimpíada Solidaria de Estudo é un instrumento moi valioso e único, xa que os estudantes poden colaborar nun proxecto de cooperación internacional cos seus esforzos, anque non teñan cartos. Así, demóstrase que se pode contribuír a crear un mundo máis xusto e solidario a partires do estudo e do esforzo solidario.

A maneira de participar é moi sinxela. Trátase de vir á Biblioteca, inxerir a túa TUI no ordenador do proxecto, que estará situado á entrada cunha mesa habilitada coa imaxe da campaña, e comprometerte, coma mínimo, a estudar unha hora (máximo de catro horas seguidas).

Para cada hora ininterrompida que destines a estudar, os patrocinadores oficiais transformarán en cartos reais que se destinarán a reconstruír 14 escolas de Kivu Sur, na República Democrática do Congo.

Non o dubides este ano: POÑÉDEVOS TODAS E TODOS UN 10!

Bibliotecas nas que podes participar:

• Biblioteca Concepción Arenal
• Biblioteca Xeral
• Escola Técnica Superior
• Facultade de Bioloxía
• Facultade de Ciencias da Comunicación
• Facultade de Económicas e Empresariais
• Facultade de Farmacia
• Facultade de Filoloxía
• Facultade de Filosofía
• Facultade de Física
• Facultade de Matemáticas
• Facultade de Medicina
• Facultade de Psicoloxía
• Facultade de Química
• Facultade de Xeografía e Historia
• Biblioteca Intercentros [Lugo]
• Facultade de Formación do Profesorado [Lugo]
• Facultade de Veterinaria [Lugo]

Se queres máis información sobre a campaña, diríxete a:

• Olimpíada solidaria de estudo

• Asociación para as Nacións Unidas en España

• Facebook da Olimpíada

• Vídeo promocional da X Olimpíada solidaria de estudo