Ferramentas, Recursos electrónicos, Varios

OATD: na procura de teses a texto completo

OATD – Open Access Theses and Dissertations

Caixa de busca de OATD

Hoxe queremos facer referencia a unha nova que vemos de ler no Infotoday  acerca do lanzamento dunha  ferramenta de recolección de teses de doutoramento en OA ao que os autores da reseña se refiren como “nova ferramenta de descubrimento” . Trátase de Open Access theses and dissertations, (OATD), proxecto baixo a responsabilidade de  Thomas Dowling, Z. Smith Reynolds Library at Wake Forest University . A peculiaridade deste portal é que se centra, única e exclusivamente, en teses accesibles de xeito libre na rede e a texto completo.  No artigo que citamos, aparece tamén un cadro comparativo do tipo de resultados que amosan os principais portais de recolección de teses de doutoramento en liña:

Segundo din os responsables do proxecto, OATD ven solventar un problema que tiñan moitos investigadores con respecto ao acceso “real” de ETD (electronic theses and dissertations). Efectivamente, moitas delas están recollidas nos repositorios devanditos e amosados no cadro comparativo, pero a frustración viña cando moitos dos resultados eran ligazóns, por exemplo, a textos de uso restrinxido dentro dun determinado campus, mesturados moitas veces con outro tipo de documentos e, mesmo, poderíase chegar a unha especie de muro onde temos que abonar a copia para poder acceder á mesma.

OATD traballa, como é lóxico, con Open Archives Initiative Protocol for Metadata Harvesting (OAI-PMH), protocolo incorporado na maior parte dos repositorios institucionais tales coma DSpaceePrints, and Digital Commons. Como nos lembran neste artigo, unha vez que temos activado este sistema de recollida , os metadatos dos repositorios poden ser compilados polos sistemas de recolección. Os obxetos dixitais seguen a estar aloxados nos repositorios, pero os rexistros de metadatos de diversas fontes poden ser  extraídos, sendo recuperables mediante unha interfaz independente.

Nesta nova incídese, finalmente, no feito de que por moito que a maior parte do tráfico nos repositorios ven de motores de busca, é importante desenvolver outras ferramentas que faciliten aos investigadores a busca e o achádego de materiais dacordo cos seus criterios de busca. Deste xeito, as ferramentas de descubrimento desenvolvidas no apoio de comunidades de investigación moi especializadas nun determinado tema, e, tamén, as construídas arredor dun tipo de literatura científica poden incluír funcionalidades “á carta” deseñadas para un tipo de usuario concreto. Así nos informan que a plataforma OATD permite refinar buscas baseadas en linguas, departamentos, universidades e data de publicación.

Advertisements

Conversa

Aínda non hai comentarios.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Arquivo

Categorías

BUSCa no catálogo

CODIGO QR DO BLOG

Código QR do Blog

DÍA DAS LETRAS GALEGAS 2013

Roberto Vidal Bolaño, foto de Henrique Alvarellos

DÍA DAS LETRAS GALEGAS 2014

Xose María Díaz Castro, Letras Galegas 2014

Imaxes da galería fotográfica da Xunta de Galicia, Secretaría Xeral de Política Lingüística, cedidas por Luis González Tosar.

DÍA DAS LETRAS GALEGAS 2015

Xosé Filgueira Valverde, Letras Galegas 2015

Retrato de Xosé Filgueira Valverde

DÍA DAS LETRAS GALEGAS 2016

Manuel María, Día das Letras Galegas 2016

Manuel María Fernández Teixeiro en imaxe de Xosé Castro

%d bloggers like this: