Vendo xoias da BUSC e na Biblioteca América: curso sobre historia do libro

YOLANDA DIÉGUEZ

CRISTAL MARTÍNEZ POUSA

Panorámica da Biblioteca América onde se desenvolveu o curso. Foto de José María Costa Lago

No pasado mes  de xuño algúns dos membros do persoal da BUSC disfrutamos dun curso titulado “Historia do libro e as bibliotecas a través dos fondos da Biblioteca Xeral”, impartido polo xefe de mantemento de fondos, Xosé Ramón Lema, nun lugar privilexiado como é a Biblioteca América.

Asistentes ao curso atendendo as explicacións do profesor (Foto de Javi Villar)

Foi un curso interesante e ameno no que tivemos a oportunidade de ver e tocar algunas das xoias bibliográficas coas que conta esta biblioteca ao tempo que obtivemos unha panorámica da evolución do libro dende os manuscritos ata libros impresos no século XVIII, facendo fincapé na súa composición e impresión, nos tipos de letra, nas ilustracións e nos distintos tipos de encadernacións.

Entre todas as obras, destaca a xoia da biblioteca, o Libro de Horas de Fernando I, manuscrito orixinal do século XI. Pero puidemos ver tamén outros manuscritos e incunables que a biblioteca ten en edición facsímile, como por exemplo a Biblia Kennicott.

“Theatro d’el orbe de la tierra” de Abraham Ortello (1612) Foto de Javi Villar

Detalle de mapa do “Theatro d’el orbe de la tierra” de Abraham Ortello (1612) Foto de Javi Villar.

Agardamos que próximamente sexa posible unha segunda edición deste curso na que se aborde a historia do libro dende o século XIX ata a actualidade.

Amosámovos algunhas fotografías tanto dos fondos que vimos no curso coma do grupo de compañeiros e compañeiras que participaron nel, aos que agradecemos que nos achegasen as súas fotos (premede nas imaxes para ligar co catálogo da BUSC e obter a información completa).

Tassa da “Monarquía mística de la Yglesia”de Juan de Zamora, asinada por Gallo de Andrada (1604) co detalle do prezo do volume. Foto de Javi Villar

M. Tullii Ciceronis Opera, Cum delectu Commentariorum, in usum Serenissimi Dephini (1746)

Fernando de la Torre Farfán” Fiestas de la S. I. M. y patriarcal en honor del rey D. Fernando ….” (1671) (Foto Amparo Fernández)

Exemplar dañado de “De copia verborum…” de Erasmo de Rotterdam (1525)Foto de Javi Villar

Gramática Latina : escrita con método y nuevas observaciones (1775) de Juan de Iriarte y Cisneros, bibliotecario da Biblioteca Real de Madrid. Foto de Javi Villar.