Novidades convocatoria da CNEAI 2018

Imaxe de joao silas en unsplash (prema na imaxe para orixinal)

O pasado 26 de novembro, publicaronse no BOE a Criterios de Evaluación de la Convocatoria 2018 (BOE, 26/11/2018) . Hai novidades? Pois algunha, sí, segundo nos indican Álvaro Cabezas e Susana Sánchez Gil na páxina de sexenios.com.  O máis salientable é a creación dun piloto de Transferencia sustituíndo ao campo cero que, dada a súa relevancia, adícaselle unha entrada con todas as especificacións:  Tramo de transferencia del Conocimiento e Innovación. Outra cuestión importante é a división do campo 7, xa sinalada na avaliación do 2017 pero agora especificada en Ciencias Sociales, Políticas y del Comportamiento (7.1)  e Ciencias de la Educación (7.2).

-En Ciencias Sociales, Políticas y del Comportamiento fanse algunhas especificacións atendendo ao concepto de coautoría e subliñando que un número “desproporcionado” de autores podería reducir a cualificación dunha aportación, sendo necesaria para a avaliación, no caso dos capítulos de libros, “claramente” resultados de investigación.  E o que é moi importante neste campo: destácase por primeira vez a importancia de avaliar a calidade científica, metodolóxica e teórica nas aportacións tendo en conta a súa implicación no progreso científico. Alúdese aquí á sentenza do Tribunal Supremo ante o recurso presentado por unha profesora da Universidade de Extremadura (TS 986/2018) polo que se cuestionaba o sistema de avaliación no que non se ten en conta o contido senón a revista onde se publica. Máis información aquí: El Tribunal Supremo asesta un nuevo golpe a CNEAI .

-No subcampo 7.2, Cabezas e Sánchez Gil destacan a aclaración feita- soamente neste campo, o cal sorprende moito aos autores deste post- sobre o que entende a CNEAI sobre  posicións relevantes no Scimago Journal Rank,  referíndose de xeito taxativo ás publicacións de Q1 e Q2.

(Con informacións de INÉS AMBOAGE GARCÍA, ALVARO CABEZAS, SUSANA GONZÁLEZ ).