6 de maio, día internacional sen DRM

Lendo o imprescindible blog Comunicación Cultural, decatámonos de que o 6 de maio, fixose unha chamada a acción en contra do uso do DRM (Digital Restrictions Management).  Por medio destes sistemas impídese a creación de copias dun determinado producto dixital, sexa ebook ou música, defendendo a industria o uso deste procedemento para evitar a chamada piratería. Segundo a Free Software Foundation mediante a súa web Defective by Design , en realidade o que se fai é limitar o uso e o libre espallamento cultural, ademáis de ir en contra do uso de modelos abertos, que fomenten a cooperación e demostran, ademais, que non son realmente efectivos coma bloqueo, poden ser cuestionables en canto ao respeto que fan ou non da liberdade do usuario – aínda lembramos o “affaire” Amazon/ Orwell, polo que “desapareceu” dos dispositivos dos usuarios a devandita novela, debido a un problema de dereitos de autor- e encarecen o producto final, sendo un valor engadido non solicitado polo usuario e que complica a xestión da súa biblioteca persoal (se prestamos en papel libros a amigos poderíamos facelo en dixital, dado que pagamos por ese contido). Por outra banda, no caso dos libros electrónicos, complica en gran medida o seu uso polas bibliotecas. Nunha entrevista  de Arantxa Mellado a  Ursula Mackenzie, CEO de Little, Brooks, sublíñase que o uso do DRM é, en realidade, para restrinxir que os libros se compartan “demasiado”. Podedes ler esta entrevista aquí .

Sen uso do DRM hai modelos posibles, e temos unha listaxe de editoriais que prescinden deste modelo restrictivo. 

Estes e outros motivos que cuestionan o uso do DRM podedelos ler aquí

Imaxe da campaña “Readers against DRM”