O Pazo de Fonseca e o Laboratorio Móbil de Farmacia do ano 37

Dende hai tempo, a Biblioteca Nacional de España ven exercendo unha progresiva dixitalización de imaxes procedentes da Guerra Civil española, engadindo unha colección máis á Biblioteca Digital Hispánica.  O pasado día 23, publicóuse unha nova no seu blog no que anunciaban unha nova achega de preto de 11000 imaxes.  Posteriormente, lemos en Disquecool un artigo titulado Galicia en guerra: a Galicia da Guerra Civil nas fotografías da Biblioteca Nacional no que comentaban a devandita nova e tamén engadían diversas imaxes desta nova aportación documental.

Entre as imaxes, chamóunos moito a atención esta:

Verso da fotografía na que aparece a data, a descrición e as signaturas. Apreciamos tamén o selo da “Delegación del Estado para prensa y propaganda”. Ano 1937.

Recoñecemos aquí inmediatamente o Pazo de Fonseca, hoxe  Biblioteca Xeral da USC, que, en tempos, foi a Facultade de Farmacia. As mulleres que aparecen na fotografía traballaban como voluntarias nos inicios da Guerra Civil española no Laboratorio de Farmacia Militar. A fotografía, datada en xullo de 1937, amosa o  vehículo que funcionaba como “farmacia móbil” e coñecido como modelo Santiago de Compostela.  A tarefa destas mulleres aparece ben recoñecida no artigo El trabajo de las mujeres voluntarias en el laboratorio de Farmacia Militar de Santiago de Compostela (1936-1939) Nesta investigación, realizada polas profesoras Brasa Arias e Landín Pérez, cóntase dende a organización do propio laboratorio ata o diseño e desenvolvemento da unidade móbil. Agréganse tamén os nomes das mulleres que alí traballaron.

Os básicos para o traballo na unidade móbil de Farmacia do ano 1937.