A BUSC – como xa ven facendo en anos anteriores- quere sumarse aos actos e celebracións deste ano co gallo do Día da Ciencia en Galego. E para iso preparamos unha escolma bibliográfica dos científicos galegos homenaxeados este ano: Isidro Parga Pondal e Carlos Gómez- Reino, ambos vencellados a nosa Universidade e ambos, tamén, lembrados pola súa importante labor científica.
No caso de Isidro Parga Pondal,non poderíamos engadir mais a biografías recollidas, por unha banda, no Álbum da Ciencia en Galicia do Consello da Cultura Galega, e, tamén, no Álbum da JAE da mesma institución. Xeólogo, galeguista, profesor universitario, creador do Laboratorio Xeolóxico de Laxe e recompilador dunhas importantísimas coleccións de minerais custodiadas e exhibidas hoxe no Museo de Historia Natural da USC, No caso do profesor Gómez-Reino, ao que aínda lembramos porque non hai tanto que nos deixou, ademais dun amplo recoñecemento internacional a súa labor investigadora, cómpre destacar a creación e impulso da Escola de Óptica- hoxe Facultade de Óptica e Optometría– a súa presenza en prestixiosos organismos internacionais e, tamén, o seu traballo como vicerreitor desta universidade.
Deixamos, pois, o noso graniño de area nesta conmemoración do 4 de novembro adicado a estas dúas figuras excepcionais da Ciencia galega: unha recompilación dos seus traballos presentes no noso catálogo. Queríamos subliñar, tamén, que no noso repositorio Minerva hai unha comunidade de traballos do Museo de Historia Natural da USC e que podedes consultar aquí.
Bibliografía de Isidro Parga Pondal na BUSC
Bibliografía de Carlos Gómez-Reino na BUSC
Conversa
Aínda non hai comentarios.